Ադրբեջանի նախագահ Իլհամ Ալիևն անդրադարձել է այսպես կոչված «Զանգեզուրի միջանցքին»՝ հայտարարելով, որ Իրան այն չի արգելափակելու: Այս մասին հայտնում են ադրբեջանական լրատվամիջոցները:
«Զանգեզուրի միջանցքը քննարկել ենք ռուս պաշտոնյաների հետ իմ վերջին զրույցի ժամանակ։ Ես չեմ կարծում, որ Հայաստանն «ի վիճակի է» (չակերտները՝ Tert.am) արգելափակել այս միջանցքը։ Ինչ վերաբերում է Իրանին, ապա կարծում եմ, որ նա էլ դա չի անի՝ հաշվի առնելով տարածաշրջանային հաղորդակցության նախագծերի նկատմամբ իր հետաքրքրությունը։ Այդ նախագծերն ուղղված չեն որևէ մեկի դեմ, այլ, ընդհակառակը, միայն կծառայեն ի շահ բոլոր շահագրգիռ կողմերի»,- ասել է Ալիևը:
Հիշեցնենք, որ Պրահայում վարչապետ Նիկոլ Փաշինյանը վերահաստատել էր տարածաշրջանային բոլոր հաղորդակցությունների ապաշրջափակման վերաբերյալ Երևանի առաջարկը:
«Ես կրկնում եմ՝ Հայաստանը պատրաստ է տարածաշրջանային հաղորդակցությունների ապաշրջափակմանը՝ հարգելով մեր ինքնիշխանությունը և օրենսդրությունը», — ավելի վաղ ասել էր Փաշինյանը։
