Փարիզի ՊՍԺ-ի և Ֆրանսիայի հավաքականի հարձակվող Կիլիան Մբապեն հանդիպում է բելգիացի մոդել Ռոուզ Բերտրամի հետ, հայտնում է RMC Sport-ը:
28-ամյա Բերտրամը 14 տարեկանից աշխատում է մոդելավորող։ Նա առաջին բելգիացին է, որը մասնակցել է ամերիկյան Sports Illustrated ամսագրի լողազգեստների ցուցադրությանը։ Բերտրամը լուսանկարվել է H&M, L’Oréal, Hunkemöller, Primark և Agent Provocateur-ի գովազդային արշավների համար։
Ռոուզ Բերտրամն ապրում է Փարիզում։ Նա ՊՍԺ-ի և Նիդերլանդների հավաքականի նախկին ֆուտբոլիստ Գրեգորի վան դեր Վիլի նախկին կինն է: Նրանք ունեն երկու զավակ:
Կատարում կայացած ֆուտբոլի աշխարհի առաջնության եզրափակիչից առաջ Ժերար Բերտրամը, որը Ռոուզիի պապն է, սոցցանցերում հրապարակել է հոդվածի սքրինշոթ: Հոդվածը եղել է Կիլիան Մբապեի և բելգիացի մոդելավորողի միջև հնարավոր հարաբերությունների մասին:
«Գուցե այս կերպ աշխարհի գավաթը վերջապես հայտնվի բելգիացիների ձեռքում։ Եթե իմ թոռնուհին այս պահին լավագույն խաղացողի հետ է, կարո՞ղ ենք նրան մեր թոռը համարել»,- հոդվածին կից գրել էր Ժերար Բերտրամը:
Երկրպագուները Մբապեի ծննդյան լուսանկարում նկատել են, որ 24-ամյա ֆուտբոլիստը փչում է տորթի մոմերը, իսկ դիմացը երկու բաժակ գինի է: Կիլիան Մբապեն և Ռոուզ Բերտրամը սոցցանցերում սկսել են հետևել միմյանց:
Երկրպագուները սոցցանցերում գրում են նաև, որ Մբապեն վերադարձել է ճիշտ ուղու վրա՝ ակնարկելով տրանսգենդեր մոդել Ինես Ռաուի հետ նրա սիրավեպի մասին նախկինում տարածված լուրերին:
Հիշեցնենք, որ Ֆրանսիայի հավաքականն աշխարհի առաջնության եզրափակիչում հետխաղյա 11-մետրանոցներով պարտվել էր Արգենտինային (3-3, 11մ՝ 2-4): Մբապեն եզրափակիչում դարձել էր հեթ-տրիկի հեղինակ և 8 գոլով ճանաչվել ԱԱ-2022-ի լավագույն ռմբարկու:
