Իրանը չի ճանաչում Ղրիմի և չորս նոր շրջանների մուտքը Ռուսաստանի Դաշնության կազմ՝ չնայած Մոսկվայի հետ հիանալի հարաբերություններին, TRT World-ին ասել է Իրանի արտգործնախարար Հոսեյն Ամիր Աբդոլահիանը։
«Մենք ճանաչում ենք երկրների ինքնիշխանությունը և տարածքային ամբողջականությունը միջազգային օրենքների շրջանակներում, հետևաբար, չնայած Թեհրանի և Մոսկվայի միջև հիանալի հարաբերություններին, մենք չենք ճանաչում Ղրիմի, Լուգանսկի և Դոնեցկի շրջանների անջատումը Ուկրաինայից…Որովհետև մենք պնդում ենք արտաքին քաղաքականության մեր հետևողական սկզբունքը. երբ մենք ասում ենք, որ ուկրաինական հակամարտությունը լուծում չէ, մենք հավատում ենք մեր դիրքորոշմանը որպես հիմնարար քաղաքական սկզբունքի, որի վրա մենք հենվում ենք»,- ասել է Աբդոլահիանը։
Ղրիմը դարձել է ռուսական տարածաշրջան 2014 թվականի մարտին Ուկրաինայում հեղաշրջման հետևանքով անցկացված հանրաքվեից հետո:Ինքնահռչակ Դոնեցկի և Լուգանսկի ժողովրդական հանրապետությունները, ինչպես նաև Խերսոնի և Զապորոժիեի շրջանները դարձել են Ռուսաստանի Դաշնության սուբյեկտներ՝ անցյալ տարվա աշնանը այնտեղ անցկացված հանրաքվեների արդյունքներով։
