Դեկտեմբերի 1-ին անցկացվելու է Հայաստանի ազգային ագրարային համալսարանի ռեկտորի ընտրության մրցույթ: Այսօր՝ 16։00-ին, ռեկտորի հավակնորդների փաստաթղթերի ներկայացման վերժնաժամկետն էր։ Քիչ առաջ հոգաբարձուների խորհրդի քարտուղար Նունե Սիմոնյանից փորձեցինք տեղեկանալ՝ քանի թեկնածու եւ ովքեր են առաջադրվել ռեկտորի պաշտոնի համար, սակայն Սիմոնյանը զարմանալիորեն հրաժարվեց պատասխանել, ասելով, որ հիմա զբաղված է, թեպետ «զբաղվածությունը» չխանգարեց, որ մի քանի րոպե զրուցի մեզ հետ, բայց ոչ մի կերպ հնարավոր չեղավ մեր հարցի պատասխանը ստանալ։
Ավելի վաղ գրել էինք, որ այս պաշտոնին հավակնում է գործող ռեկտոր Վարդան Ուռուտյանը, ով 2018 թվականից ղեկավարում է բուհը:
