Դալմայի այգիները նախագծվել են որպես քաղաքային մեծ անտառ-այգի․ Տիգրան Ավինյան

Նիկոլ Փաշինյանը կառավարության այսօրվա նիստի ժամանակ հայտարարեց, որ մոտավոր 250 հա տարածքով Դալմայի այգիները քաղաքային մեծ զբոսայգու պետք է վերածել հնարավորինս մինիմալ միջամտությամբ` ընդհուպ մինչև քիչ նստարանների տեղադրմամբ։

Ի պատասխան Երևանի քաղաքապետ Տիգրան Ավինյանն ասաց, որ այս պահին քաղաքային իշխանությունները տեխնիկատնտեսական ուսումնասիրություն են իրականացնում և այդ նպատակով նաև ներգարվել են ԱՄԷ-ի` այգիներ նախագծող ամենախոշոր ընկերությանը։

Ավինյանի խոսքով՝ Դալմայի այգիները նախագծվել են որպես քաղաքային մեծ անտառ-այգի։  Երևանում մեկ շնչի հաշվով կանաչ տարածքների առումով միջազգայնորեն ճանաչված նվազագույն շեմից մի փոքր ավելի` մոտ 9 քմ, կանաչ տարածքներ կլինեն։ Նման ծրագրերը նաև ազդեցություն են ունենալու ընդհանուր միկրոկլիմայի վրա։