ԱԺ-ում կառավարության ծրագրի 2023 թվականի կատարման մասին իր ելույթում ՀՀ վարչապետ Նիկոլ Փաշինյանը ասաց, որ պատմական ու իրական Հայաստանը ոչ միայն համատեղելի չեն, այլև հաճախ հակոտնյա են միմյանց ու նույնիսկ լրջագույն սպառնալիքներ են ստեղծում մեկը մյուսի համար։
Ըստ նրա՝ միայն 2022 թվականին են արձանագրել, որ Հայաստանի անվտանգության ապահովման առանցքային գործոնը արհամարված է, ու դա տեղի է ունեցել մեր պետականության հիմնադրման առաջին տարիներից:
Փաշինյանը նշել է, որ այդ գործոնը ՀՀ միջազգայնորեն ճանաչված սահմաններն են, ՀՀ միջազգայնորեն ճանաչված տարածքը
Միայն 2022 թվականի սեպտեմբերյան պատերազմից հետո ինքը աներկբա ու միանշանակ համոզվել է, որ Հայաստանի միջազգայնորեն ճանաչված տարածքի արձանագրումն է, որ կարող է լրացուցիչ ու որոշիչ գործոն դառնալ մեր երկրի կարճաժամկետ, միջնաժակետ ու երկարաժամկետ անվտանգությունն ապահովելու հարցում, ու այդ պահից քաղաքական ու հոգեբանական մի գործընթաց մեկնարկեց, որ կարելի է անվանել սահմանազատման գործընթաց՝ իրական ու պատմական Հայաստանի միջև։
