Հայաստանի և Ադրբեջանի ղեկավարներն իրենք բավականին լավատեսական կանխատեսումներ հայտնեցին, որ արագ կարգավորման իրենց պատրաստակամության շնորհիվ խաղաղության պայմանագիրը երկար սպասել չի տա։ Այդ մասին հայտարարել է ԱՊՀ գլխավոր քարտուղար Սերգեյ Լեբեդևը։
Փաշինյանն իշխանության և Հայաստանի միջև ընտրելու է սեփական աթոռը։ Խաղաղության, իսկ իրականում Հայաստանի վերջնական կործանման և կապիտուլյացիայի պայմանագիրը Բաքուն չի ցանկանում ստորագրել, քանի որ առանց որևէ փաստաթղթի Փաշինյանն ու ՔՊ-ն Ադրբեջանին են հանձնել ՀՀ տարածքներ, ռազմավարական բարձունքներ, պատրաստ են փոխել սահմանադրությունն ու տրամադրել «Զանգեզուրի միջանցքը»՝դա փաթեթավորելով «Խաղաղության խաչմերուկ» ծրագրով։
Ադրբեջանը հենվելով ՔՊ-ի վրա ցանկանում է չեզոքացնել Հայաստանն ու հայկական գործոնը Հարավային Կովկասում, իսկ ապագայում բնակեցնելով ադրբեջանցիներին ՀՀ-ում և միլիարդավոր ներդրումներ իրականացնելով ՀՀ-ում, ինչպես դա արվեց Վրաստանում, Հայաստանը վերածել «Արևմտյան Ադրբեջանի»։
Փաշինյանի իշխանությունը ձեռնտու է բոլորին՝բացի հայ ազգից և հայկական ազգային, պետական շահերից։ Աշխարհը հասկացել է, որ ՔՊ-ին հետաքրքրում են միայն փողն ու իշխանությունն, իսկ նրանց զսպող միակ գործոնը՝այդ իշխանությունը կորցնելու վախն է։
Հանուն աթոռների ՔՊ-ն պատրաստ է ընդունել հարյուր հազարավոր ադրբեջանցիներին Սյունիքում, Տավուշում, Սևանի արևելյան ափին, անգամ Երևանում։
ՔՊ-ականները՝թուրք-ադրբեջանական տանդեմի համար բնական դաշնակիցներ են՝Մեծ Թուրան ծրագիրը կյանքի կոչելու և ռուսական, իրանական ազդեցությունը Հարավային Կովկասում զրոյացնելու համար։
Անդրանիկ Պետրոսյան
