Մեզ մեղադրում են վճռականության պակասի մեջ, որովհետև ժամանակը գալիս դա է ապացուցում։ Ես հիշում եմ, որ անկանխիկ թոշակ ստանալն ինչքան քննարկումների տեղիք տվեց: Այս մասին Կառավարության նիստի ժամանակ ասել է Նիկոլ Փաշինյանը:
«Այն ժամանակ ասում էին թոշակառուն ո՞նց է քարտից օգտվելու, ես էլ փաստարկ էի բերում, ասում եմ, ես գնում եմ հեռավոր մի գյուղ, տեսնում եմ համակարգիչը դրած տատիկի կամ պապիկի դեմը, ասում եմ տատիկ-պապիկ, այս համակարգիչն ինչի համար է, ասում են թոռներիս հետ ենք խոսում սկայպով կամ չգիտեմ ինչ։ Եթե տատիկ-պապիկը կարող են թոռների հետ սկայպով խոսեն, ինչու համակարգչային այլ գործողություններ չեն կարող անել։
Հիմա ես ուզում եմ ձեզ մի դեպք պատմել, որը կապված է այս դահլիճում տեղի ունեցած մեր քննարկումների հետ։ Ես հիշում եմ, երբ որ մենք, ես էլ պնդում էի, ասում էի, որ բոլոր թոշակները պետք է տալ անկանխիկ եղանակով։ Եկան տեղեկանքներ, տեղեկանքներ, տեղեկանքներ, տեղեկանքներ, որ 70, թե 75-ից, թե 80 տարեկանից բարձրներին չի կարելի անկանխիկ տալ, իրենց պետք է կանխիկ տալ, որովհետև չեն կարող ստանալ, դե լավ, ասեցի մեր հարգելի փորձագետներն այսքան գրում են, ես էլ լսում եմ այդ կարծիքը։ Այս վերջերս ստանում եմ քաղաքացուց նամակ։ Գրում է 85 տարեկան մի թոշակառու, ընդ որում ձեռագիր է գրած, սկան արած: Իմաստն այն էր, որ ինքը չի կարողացել գնալ թոշակը ստանալ, թոռնիկին է ուղարկել, թոռնիկին չեն տվել, ասել են պապիկը պիտի գա, տղեկանք տա։ Ասում եմ, հիշու՞մ եք, որ ասում էի քարտը պիտի իր տանն իր մոտ դրած լինի, քանի տարեկան է, էական չի, թող իր քարտի վրա նստի գումարը, ինքը կորոշի ում տա, եթե իրեն կանխիկ պետք է, կասի իջիր բանկոմատից կանխիկացրու, կամ էլ գնա առևտուր արա:
Եվ հետևաբար, ես առաջարկում եմ հիմա կայացնենք այդ որոշումը, կանխիկ թոշակ ընդհանրապես չլինի»,- ասել է Փաշինյանը:
