Զորան Միլանովիչը, որը քննադատում է Արևմուտքի աջակցությունն Ուկրաինային Ռուսաստանի հետ պատերազմում, համոզիչ հաղթանակ է տարել Խորվաթիայի նախագահական ընտրությունների երկրորդ փուլում։ Այս մասին հայտնում է euronews.com-ը:
Խորվաթիայի Կենտրոնական ընտրական հանձնաժողովի հրապարակած արդյունքների համաձայն՝ քվեաթերթիկների ավելի քան 99%-ի հաշվարկից հետո Միլանովիչը հավաքել է ձայների ավելի քան 74%-ը, նրա մրցակից Դրագան Պրիմորացը՝ մոտ 26%-ը։
Միլանովիչը, որը երկրի գործող նախագահն է, Խորվաթիայի ամենահայտնի քաղաքական գործիչն է, և երբեմն նրան համեմատում են ԱՄՆ նորընտիր նախագահ Դոնալդ Թրամփի հետ՝ քաղաքական հակառակորդների հետ շփվելու իր ագրեսիվ ոճի համար:
