ԱԺ նիստի ընթացքում ՔՊ խմբակցության պատգամավոր Վահագն Ալեքսանյանն անդրադարձավ օրեր առաջ «Սրբազան պայքար» շարժման երիտասարդների և իր մայրիկի մասնակցությամբ միջադեպին։
«Թիրախավորել են 70-անց իմ մորը՝ շրջափակել, իմ հասցեին վիրավորական արտահայտություններ արել, ամեն կերպ սադրելով, որ սկանդալ ստանան»,- նշեց նա։
Ալեքսանյանը նաև ասաց. «Թիրախավորվում է այն հանգամանքը, որ ես մեկն եմ այն տասնյակ հազարավոր մարդկանցից, որոնց ծնողներից մեկը ժամանակին թողել է ընտանիքը, գնացել է հյուսիսային երկրներ ու այնտեղ կազմել երկրորդ ընտանիք։ Այս հանգամանքի բերումով փորձ է արվում թիրախավորել ինձ ու իմ մորը։
Ես ուզում եմ ասել՝ որդիաբար խոնարհվում եմ բոլոր այն մայրերի առաջ, որոնք միայնակ են մեծացնում իրենց երեխաներին։ Ես գիտեմ, թե ինչ դժվար է դա, ու ես գիտեմ, որ կյանքում միշտ գտնվելու են երկոտանի կենդանիներ, որոնք փորձելու են թիրախավորել ձեզ դրա համար, թիրախավորել ձեր երեխաներին»։
