Հունիսից դրական փոփոխություններ կտեսնեք քաղաքում և կհամոզվեք, թե «կարմիր գծերի» վճարներն ինչի համար են. Կոստանյան

Երևանի քաղաքապետարանի խոսնակ Հայկ Կոստանյանը պնդեց, որ կբողոքարկվի Վարչական դատարանի մայիսի 23-ի որոշումը, որով անվավեր են ճանաչվել մայրաքաղաքում վճարովի ավտոկայանատեղիների, այսպես կոչված՝ «կարմիր գծերի» համար սահմանված տեղական վճարներին վերաբերող որոշ դրույթներ։

Կոստանյանի խոսքով՝ տուրքերի բարձրացումը նտպատակ ուներ բեռնաթափելու կենտրոնը։ «Եթե Երևանի քաղաքապետարանի կողմից կատարված աշխատանքն այս պահին ոչ ամբողջապես է տեսանելի, առաջիկայում, երբ ավտոբուսների համար առաձնացված գծերի քանակն էլ ավելի շատանա, այդ փուլից սկսած՝ շատերս կհամոզվենք, թե ինչի համար էր դա արված։ Հունիս ամսին մի շարք փոփոխություններ ենք ունենալու, և այդ մասով դրական փոփոխություններ կտեսնենք քաղաքում»,-ասաց նա։