«Շարունակում ենք աշխատանքներ կատարել Ապարանում և Լուսագյուղում պտտահողմի հետևանքները մեղմացնելու ուղղությամբ, որում մեծ աջակցություն են ցուցաբերում ՆԳՆ-ին, ՆԳՆ փրկարար ծառայությունը»։
Այս մասին NewDay.am-ի հետ զրույցում ասաց Ապարան համայնքի ղեկավար Կարեն Եղիազարյանը։ Նա հավելեց, որ այս պահին դեռ ընթացքի մեջ է վնասների չափի գույքագրման գործընթացը։
«Շնորհակալություն եմ հայտնում Ներքին գործերի նախարար Արփինե Սարգսյանին և ՆԳՆ փրկարար ծառայության տնօրեն, ՆԳ նախարարի տեղակալ Կամո Ցուցուլյանին օպերատիվ արձագանքելու և քաղաքապետարանի, Ապարանի բնակիչների կողքին կանգնելու համար»,-ասաց նա։
Կարեն Եղիազարյանն ընդգծեց՝ այս պահին կատարվում են բազմաբնակարան շենքի տանիքների վերանորոգման աշխատանքներ, գազամատակարարումը և ջրամատակարումը վերականգնվել է։
