Միջին տարիքի, ճաղատ տղամարդը նստած լսում է հայկական շանսոն և ժողովրդական երգեր, Ադելին, Ջոն Լենոնին, ֆրանսիական և ռուսական ռեփ, DDT, բարոկկո երաժշտություն, Վիսոցկու գնչուական սիրավեպերը և Զեմֆիրային: Այս տեսանյութերում նա կկոցում է աչքերը արևի լույսի տակ, կապում է փողկապը, դեղին վարդը դնում բաճկոնի գրպանը կամ մեքենագրում է համակարգչով: Բայց ամենից հաճախ նա ուղիղ նայում է առաջ՝ երբեմն ժպտալով, երբեմն մտախոհ, երբեմն տխուր, գրել է BBC ռուսական գործակալությունը Նիկոլ Փաշինյանի մասին:
Երաժշտական տեսահոլովակները Փաշինյանի` իր հետևորդներին բարի լույս մաղթելու և նրանց հանդեպ իր սերը արտահայտելու միջոցն են։ Ամեն դեպքում, նա ինքն այդպես է բացատրում՝ մակագրություններում և ձեռքերով սրտիկ պատրաստելով։
Գործակալությունը գրել է, որ Զեմֆիրայի «ПММЛ» երգը լսելիս տխուր դեմքի արտահայտությամբ նստած քաղաքական գործչի տեսանյութը սենսացիա է դարձել հետխորհրդային երիտասարդության շրջանում։ Այն թողարկվել է հոկտեմբերին և այդ ժամանակվանից ի վեր Instagram-ում հավաքել է ավելի քան 16 միլիոն դիտում։ Հազարավոր օգտատերեր TikTok-ում հրապարակել են իրենց սեփական պարոդիաները, իսկ բիզնեսները մեմն օգտագործել են գովազդի համար։ Մինչդեռ Փաշինյանի տեսանյութերը միջինում ունենում են մոտ 100,000 դիտում, երաժշտությամբ տեսանյութերը հաճախ հասնում են մեկ միլիոնից ավելի դիտման։
