2025 թվականին Ադրբեջանի և Հայաստանի միջև խաղաղության գործընթացում զգալի առաջընթաց է գրանցվել, հայտարարել է Ադրբեջանի արտգործնախարար Ջեյհուն Բայրամովը՝ ադրբեջանական լրատվամիջոցների փոխանցմամբ։
Նրա խոսքով՝ Ադրբեջանը երկրի նախագահի ղեկավարությամբ 2025 թվականին ակտիվ արտաքին քաղաքականություն է վարել։
«Ադրբեջանն ամրապնդեց իր դիրքերը միջազգային ասպարեզում և ընդլայնեց իր դիվանագիտական ներկայությունը: 2025 թվականին խաղաղ գործընթացում մեծ առաջընթաց է գրանցվել»,- նշել է նա։
Բայրամովն ընդգծել է, որ Ադրբեջանի ջանքերը՝ խթանելու միջազգային խաղաղությունն ու կայունությունը՝ զարգացնելով տնտեսական համագործակցությունը և միջնորդական գործունեությունը, նպաստել են երկրի հեղինակության հետագա աճին համաշխարհային ասպարեզում։
