Արաքսյա Գրիգորյանը ֆեյսբուքյան իր էջում գրում է.
Նողկալի տեսարան է՝ մարդկային զգացմունքները մինչև վերջ վիրավորող, քաոսային իրականություն, որը պարզապես դժվար է ընկալել։
«Բոլորին սիրող» Նիկոլ Փաշինյանը իրականում ցուցադրում է բոլորովին այլ դեմք՝ սպառնալիք, ճնշում, ցինիզմ։
Նա մատ է թափ տալիս արցախցի երիտասարդ կնոջ վրա՝ մի մարդու, ով կորցրել է ամեն ինչ և ընդամենը փորձում է արժանապատվորեն բարձրաձայնել իր ցավը։
Որպես մարդ՝ դու այդ իրավունքը չունես։ Որպես պաշտոնյա՝ առավել ևս։ Սա մտածված ու ձևավորված վերաբերմունք է, արհամարհանք սեփական ժողովրդի խոցելի հատվածի նկատմամբ։
Մինչև ե՞րբ ենք հանդուրժելու այս նվաստացումը։ Մինչև ե՞րբ պետք է մեզ պարտադրեն կեղծ «սիրո» խոսույթ, մինչդեռ իրականում տեսնում ենք ատելություն և ճնշում։
Արցախցիների նկատմամբ նման վերաբերմունք ունեցող իշխանությունը ոչ միայն չի կարող ներկայացնել մեզ, այլ՝ ամեն օր ավելի է հեռանում սեփական ժողովրդից՝ վերածվելով օտարված, սառը ու անպատասխանատու ուժի։
Հերիք է։ Սա պարզապես անընդունելի չէ — սա ամոթ է։ Սա կարմիր գիծ չէ՝ սա բոլոր գծերի վերջն է։ Լռելը, համակերպվելը նշանակում է նույնքան մեղսակից լինել այս զզվելի քաղաքականությանը:
