Ապրիլի 23-ին արտառոց դեպք է տեղի ունեցել Կոտայքի մարզում։ Ժամը 14։40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Հրազդանի բաժին է դիմել Երևանի բնակիչ 49-ամյա Կարեն Ս․-ն և հայտնել, որ ապրիլի 22-ին, Կոտայքի մարզի բնակիչ 49-ամյա Շահեն Մ․-ն Facebook սոցիալական ցանցում կատարել է իր, Կոտայքի մարզի բնակիչներ 34-ամյա Արմինե Բ․-ի, 47-ամյա Արուս Բ․-ի և 42-ամյա Ռուսլան Ա․-ի հասցեին սպանության սպառնալիքներ պարունակող հրապարակում, հաղորդում է Shamshyan.com-ը։
Կարեն Ս․-ն ոստիկաններին հայտնել է, որ բացի այդ ամենից Շահեն Մ․-ն, նաև պարբերաբար այցելելով «Հրազդան» բժշկական կենտրոն, բռնություն գործադրելու սպառնալիքներ է հնչեցրել Արուս Բ․-ի, Արմինե Բ․-ի և Ռուսլան Ա․-ի հասցեներին։ Դեպքի փաստով ոստիկանության Հրազդանի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Կոտայքի մարզային քննչական վարչություն։
Կարեն Ս․-ն աշխատում է «Հրազդան» բժշկական կենտրոնում, որպես տնօրեն, իսկ Արմինե Բ․-ն, Արուս Բ․-ն և Ռուսլան Ա․-ն աշխատում են նշված բժշկական կենտրոնում, որպես բժիշկներ։
