Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան Սիրիայի հետ միասին, առանց արտաքին օգնության, կվերացնի սիրիական տարածքում ահաբեկչությունը, չորեքշաբթի գրում է Daily Sabah թերթը։
«Ոչ մի երկիր չպետք է միջամտի Սիրիայի գործերին, Թուրքիան իր սիրիացի եղբայրների հետ ի վիճակի է ոչնչացնել բոլոր ահաբեկչական կազմակերպությունները»,-ասել է Էրդողանը։
Իշխող «Արդարություն և զարգացում» կուսակցության անդամներին ուղղված ելույթում Թուրքիայի նախագահը կոչ է արել քրդական «Ինքնապաշտպանության ժողովրդական ջոկատներ»-ին (YPG) վայր դնել զենքերը՝ զգուշացնելով, որ խմբավորմանը «առաջիկայում վախճան» է սպառնում։
