Ադրբեջանի նախագահ Իլհամ Ալիևը Հայաստանին կոչ է արել ժամանակ չկորցնել խաղաղության պայմանագրի ստորագրման հարցում, փոխանցում են ադրբեջանական լրատվամիջոցները:
«Կարծում եմ, որ մենք չպետք է ժամանակ կորցնենք, քանի որ երբ խոսքը խաղաղության պայմանագրի մասին է, գնդակը Հայաստանի դաշտում է»,- ասել է նա Բաքվում «Դեպի նոր աշխարհակարգ» միջազգային ֆորումի մասնակիցների հետ հանդիպմանը։
Նրա խոսքով, եթե Հայաստանն ու Ադրբեջանը ստորագրեն խաղաղության պայմանագիր, ապա «սա կարող է ազդանշան դառնալ համագործակցության մեկնարկի համար»։
Ալիևը նաև նշել է, որ Հարավային Կովկասում բաժանարար գծեր գծելու երրորդ կողմերի փորձերը հաջողություն չեն ունենա։
