Էդուարդ Շարմազանովը ֆեյսբուքյան իր էջում գրել է․
«Մոսկվայում անցկացվող «Միասնական Ռուսաստան» կուսակցության նախաձեռնած Մեծ Հաղթանակի 80-ամյակին նվիրված միջազգային համաժողովի շրջանակներում Հայաստանի Հանրապետական կուսակցության պատվիրակության ներկայացուցիչներ՝ Էդուարդ Շարմազանովը, Տիգրան Աբրահամյանը և Հայկ Դերզյանը հանդիպում են ունեցել «Միասնական Ռուսաստան» կուսակցության Գլխավոր խորհրդի միջազգային համագործակցության հանձնաժողովի նախագահի տեղակալ Անդրեյ Կլիմովի հետ։
Կողմերը կարևորել են հայ-ռուսական դաշնակցային հարաբերությունների զարգացման անհրաժեշտությունը և այդ պոտենցիալի արդյունավետ իրացման կարևորությունը։
Հանդիպման մասնակիցները արձանագրել են, որ վերջին շրջանում ՀՀԿ — «Միասնական Ռուսաստան» միջկուսակցական համագործակցությունը թևակոխել է զարգացման նոր փուլ, որը բխում է երկու բարեկամ ժողովուրդների շահերից։»
