UFC-ի թեթև քաշային կարգի մարտիկ Արման Ծառուկյանը խոսել է իր առաջիկա ծրագրերի մասին՝ հստակեցնելով հաջորդ մենամարտի ժամկետները։
«Իհարկե, ես ցանկանում եմ մենամարտել, սակայն վերջին անգամ ռինգ եմ դուրս եկել նոյեմբերին։ Ուստի, հաջորդ հանդիպումս, ամենայն հավանականությամբ, կկայանա հունիս-հուլիս ամիսներին»,- նշել է Ծառուկյանը Դեմետրիուս Ջոնսոնի փոդքասթի ժամանակ։
Արման Ծառուկյանը MMA-ում գրանցել է 23 հաղթանակ և 3 պարտություն։ Իր նախորդ մենամարտը հայ մարզիկն անցկացրել է 2025 թվականի նոյեմբերին՝ մրցելով ավստրալացի Դեն Հուկերի դեմ։ Այդ պայքարում Ծառուկյանը հաղթանակ է տարել՝ ստիպելով մրցակցին հանձնվել:
