Սերոբ Գասպարյանը ֆեյսբուքյան իր էջում գրում է․
Խոսքերը մեռած են առանց գործերի
Ինչպես ասվում է Ավետարանում՝ «Հավատքը առանց գործերի մեռած է» այնպես էլ դատարկ խոսքերն առանց գործերի արժեք չունեն։
Հեշտ է խոսել, խոստումներ տալ, գեղեցիկ բառեր ասել և ուրիշներին խորհուրդներ տալ, բայց մարդու իրական արժեքը երևում է ոչ թե նրա ասածներով, այլ արած գործերով։ Խոսքերով կարելի է խաբել, տպավորություն թողնել, նույնիսկ հավատացնել, բայց գործերը միշտ բացահայտում են ճշմարտությունը։
Մի՛ փորձեք ձեր դատարկ խոսքերով ապացուցել այն, ինչ ձեր գործերով չեք կարողանում հաստատել։ Եթե ձեր խոսքերի հետևում պատասխանատվություն, ազնվություն և իրական քայլեր չկան, ապա դրանք ընդամենը օդում կախված հնչյուններ են։
Հիշե՛ք՝ մարդուն ճանաչում են ոչ թե նրա խոստումներով, այլ կատարած գործերով։ Որովհետև խոսքերը կարող են գեղեցիկ լինել, բայց միայն գործերն են ապացուցում դրանց ճշմարտացիությունը։
