«Իրանը և արաբ եղբայրները դարեր շարունակ ապրել են կողք կողքի՝ կապվածության, բարեկամության և փոխադարձ հարգանքի ոգով», — X սոցիալական ցանցում գրել է Իրանի արտաքին գործերի նախարար Աբբաս Արաղչին:
«Ամերիկյան ագրեսորները ներխուժում են մեր արաբ ընկերների հողերը՝ հարձակվելով երեխաների և անմեղ մարդկանց վրա: Ինչ վերաբերում է Իրանի պատասխանին, ապա այն անխուսափելիորեն ուղղված կլինի Միացյալ Նահանգների բազաների և նրանց կառույցների դեմ», — նշել է նա:
Հիշեցնենք, որ ԱՄՆ-ն և Իսրայելը փետրվարի 28-ից ի վեր հարվածներ են հասցնում Իրանի տարածքին, ինչը հանգեցրել է ավերածությունների և մարդկային զոհերի: Ի պատասխան՝ Իրանը հրթիռային հարվածներ է հասցնում Իսրայելին և տարածաշրջանում ԱՄՆ-ի ռազմաբազաներին: Իսրայելի և ԱՄՆ-ի հարձակման ժամանակ սպանվել են նաև Իրանի հոգևոր առաջնորդ այաթոլլա Ալի Սեյեդ Խամենեին և երկրի այլ բարձրաստիճան պաշտոնյաներ:
Մարտի 2-ին Իսրայելի դեմ պատերազմի մեջ է մտել նաև «Հեզբոլլահ» շարժումը: Իսրայելը հայտնել է շարժման դեմ հարձակողական գործողության մեկնարկի մասին:
