Եվրամիության դիվանագիտության նախկին ղեկավար Ժոզեպ Բորելը խիստ քննադատության է ենթարկել եվրոպական բլոկի ներկայիս ղեկավարությանը, այդ թվում՝ Եվրահանձնաժողովի նախագահ Ուրսուլա ֆոն դեր Լայենին և իր հաջորդին՝ Կայա Կալասին՝ մատնանշելով, որ Բրյուսելը բավարար քայլեր չի ձեռնարկել միջազգային իրավունքի պաշտպանության համար ԱՄՆ-ի և Իսրայելի՝ Իրանի դեմ ագրեսիայի մեկնարկից հետո, հայտնում է ՌԻԱ Նովոստի-ն:
«Այս պատերազմն անօրինական է համաձայն միջազգային իրավունքի:Մենք տառապում ենք էներգակիրների գների բարձրացման հետևանքներից, մինչդեռ Թրամփը չարախնդում է, թե դա լավ է ԱՄՆ-ի համար, քանի որ նրանք նավթ արտահանող են»,- հայտարարել է Բորելը Politico թերթին տված հարցազրույցում:
Նա նաև հայտարարել է, որ ֆոն դեր Լայենը շարունակում է դուրս գալ իր լիազորությունների շրջանակից՝ ուժեղացնելով իր մասնակցությունը բլոկի արտաքին քաղաքականությանը: Բորելը Եվրահանձնաժողովի ղեկավարին մեղադրել է նաև հօգուտ ԱՄՆ-ի և Իսրայելի համակարգված կողմնակալության մեջ:
Ինչպես գրում է Politico-ն, Բորելը նշել է, որ Բրյուսելը բավարար չափով չի գործել միջազգային իրավունքը պաշտպանելու համար Իրանի վրա ԱՄՆ-ի հարձակումներից հետո՝ դառնալով իսպանացի սոցիալիստների շարքում ֆոն դեր Լայենի վերջին դաշնակիցը, ով հանդես եկավ նրա դեմ:
