Մենք անընդհատ պետք է մեր սիրելի ժողովրդին հիշեցնենք, որ Արցախը սկուտեղի վրա Ադրբեջանին նվիրել է Նիկոլ Փաշինյանը Պրահայում։ Ասել է «Հայաստանը ես եմ» քաղաքական նախաձեռնության ղեկավար Նաիրի Սարգսյանը։
«Ինչու՞։ Որովհետև նախ դրան նախորդեց Նիկոլ Փաշինյանի հայտարարությունը, որ հայ-ադրբեջանական բանակցությունների համար երրորդ կողմեր անհրաժեշտ չեն։
Դու երրորդ կողմին դուրս ես մղում բանակցություններից` երաշխիք տրամադրելու պատրաստակամ կողմերին հեռացնում բանակցություններից, գնում ինքնուրույն ճանաչում ես Արցախը Ադրբեջանի կազմում, դրանից հետո ակնկալում ես որևէ գերտերության կամ տարածաշրջանային տերության օգնություն կամ օժանդակությու՞ն»,- նշել է Սարգսյանը։
