«Հույսներդ չկտրեք». Սամվել Կարապետյանը՝ արցախցիներին (Տեսանյութ)

Բռնի տեղահանված արցախցիների մի մեծ խումբ այսօր այցելել է «Ուժեղ Հայաստան» կուսակցության առաջնորդ և վարչապետի թեկնածու Սամվել Կարապետյանին։

Կարապետյանն արցախցիներին ուղղված իր խոսքում շեշտել է՝ դուք հերոսներ եք։

Անդրադարձել է նաև Հայաստանի գործող իշխանության վերաբերմունքին՝ արցախցիների հանդեպ.

«Վերջին ժամանակներս ձեզ կարծես ուզում են խեղճացնել։ Ոչ մի դեպքում  չխեղճանաք։ Դուք լուրջ պահանջատեր եք, դուք պարտավոր եք պահանջել ոչ միայն ձեր իրավունքների իրացումը, այլև այն ամենը, ինչը կորցրել եք Արցախում»։

Սամվել Կարապետյանը հայտարարել է նաև՝ Արցախի հայաթափման մեղավորը փաշինյանական իշխանությունն է։

«Մեղավորը միայն ներկա իշխանությունն է, որն ամեն ինչ արեց, որ հայաթափի մեր երկրորդ հայրենիքը՝ Արցախը։ Հիմա էլ ամեն ինչ անում է, որ հայաթափի Հայաստանը»,- ասել է նա։

Սամվել Կարապետյանը շեշտել է նաև՝ արցախցիներն արժանապատիվ կյանքով պետք է ապրեն մայր հայրենիքում։

Նա քաջալերել է արցախցիներին.

«Գիտեմ՝ կորցրել եք ամեն ինչ, ամենակարևորն եք կորցրել։ Հույսներդ չկտրեք։ Կա մի շատ լավ օր. շուտով հունիսի 7-ն է գալու»,- ասել է Սամվել Կարապետյանը՝ հավելելով՝ այդ օրը ամբողջ հայ ժողովուրդը պետք է կրկին ու կրկին հիշի՝ ինչ կատարվեց Արցախում, ում մեղքով կատարվեց, այլապես ամբողջ Հայաստանին էլ սպասվում է այն ճակատագիրը, ինչը բաժին բերեցին Արցախին։