Ժողովուրդ ջան, եթե դուք այս վիդեոն տեսնում եք, նշանակում է ինձ կամ ձերբակալել են, կամ կալանավորել են, այս ամենը այս իշխանությունների վախի, թուլության, անճարության արդյունքն է: Այս մասին ասված է «Ուժեղ Հայաստան» կուսակցության խորհրդի անդամ Նարեկ Կարապետյանի ֆեյսբուքյան էջում հրապարակված հոլովակից՝ որը վերջինս հրապարակել է՝ կից գրելով. «Մեր Ուժեղ Ալիկը իր ձերբակալվելու դեպքում ասել է հրապարակենք»:
«Նրանք ինչ-որ փուչ, սին, փրփուր, փուչիկ բաներից կախվելով՝ ինչ-որ խառը մարդկանց փորձում են ձերբակալեն, կալանավորեն, տնային կալանքներ տան, աժիոտաժ են ստեղծում, փորձում են մարդկանց լարվածության մեջ պահել, չի ստացվելու ձեր մոտ, չեք կարողանում համակերպվեք այդ ամեն ինչի հետ։
Ոնց տեսնում եք՝ հիմա ես ժպտում եմ, իմ տրամադրությունը շատ լավ է, էս պահին ուր էլ որ կամ, ես այսպես ժպտում եմ, իմ տրամադրությունը թույն է, դուխս միլիոն: Իմացեք, բացարձակապես բան չի մնացել, շատ քիչ ժամանակ ու մենք ունենալու ենք ուժեղ Հայաստան, Սամվել Կարապետյան վարչապետ, ապրելու ենք արժանապատիվ, ունենալու ենք թասիբով Հայաստան»,- նշել է Ալեքսանյանը:
