Ունենք հարյուրավոր արձանագրված խախտումներ, որոնք էական ազդեցություն կարող են ունենալ: Այս մասին ասուլիսում ասել է «Ուժեղ Հայաստան» կուսակցության անդամ Գոհար Մելոյանը։
«Առավոտյան՝ ժամը 07։00-ից մի շարք ընտրատեղամասերում արգելում են մեր վստահված անձանց մուտքը: Խախտումներն էական են, ինչը վկայում է այն մասին, որ որոշ քաղաքական ուժեր անվստահություն ունեն իրենց հաղթանակի վրա, փորձում են քաղաքացու կամքի վրա միջամտություն թույլ տալ։ Մի շարք ահազանգեր են եղել նաև, որ տեխնիկական սարքերը չեն աշխատում պատշաճ կերպով, որոշ տեղերում լուսանջատումներ արդեն արձանագրվել են, որոշ տեղամասերում մատնահետքի սարքի լույսը չի վառվել, ինչը մտահոգությունների տեղիք է տալիս, թե արդյոք միջամտություն տեղի չի ունեցել»։
