Քվեարկեցի հանուն ՀՀ զարգացման և բարգավաճման, խաղաղության, հզոր բանակի: Այս մասին լրագրողների հետ զրույցում ասել է Խաչատուր Սուքիասյանը:
«Առանց խաղաղության ոչինչ չի ստացվի, խաղաղությունը դա գլխավորն է, որովհետև խաղաղությունը ապահովելու դեպքում հնարավոր է մնացած ամեն ինչ: Ես համոզված եմ, որ եթե Փաշինյանը չընտրվի ու ընդհանրապես մեր Հայաստանի Հանրապետությունը գնա այլ ուղղությամբ, իհարկե՝ պատերազմ էլ կլինի, իմ թվարկած ոչ մի առավելություներն էլ չեն լինի:
Նիկոլ Փաշինյանի կողքին գաղափարական մարդիկ են հավաքվել, հետո միջազգային հանրություն կա, որոնք որոշակի օգնում են, ունենք նաև պատմություններ, որ տեսել ենք, թե երկրները ոնց են զարգացել, ինչ կարգի բարեփոխումներ են արել, հիմա առանց այդ բարեփոխումների անհնար է Հայաստանում ապահովել մարդկանց բարեկեցությունը և հարևանների հետ խաղաղությունը»,- նշել է Սուքիասյանը:
