Ռուսաստանի կառավարությունը երկարաձգել է արտադրողների կողմից վառելիքի առանձին տեսակների արտահանման ժամանակավոր արգելքը։ Այս մասին հաղորդել է ՌԴ կառավարության մամուլի ծառայությունը։
«Ստորագրվել է որոշում անմիջական արտադրողների կողմից Ռուսաստանի տարածքից արտահանվող դիզելային և նավային վառելիքի և գազային յուղերի արտահանման արգելքի երկարաձգման մասին մինչև 2026 թ. հոկտեմբերի 31-ը ներառյալ», – ասված է հաղորդագրության մեջ։
Նշվում է, որ որոշումն ընդունվել է վառելիքի ներքին շուկայում կայունության պահպանման համար, այդ թվում՝ բերքահավաքի շրջանում շարժիչային վառելիքի մեծ պահանջարկի պայմաններում։
Վառելիքի արտահանման ընդհանուր արգելքը Ռուսաստանի Դաշնությունում կգործի մինչև 2027 թ. հունվարի 31-ը։ Իսկ դիզելային վառելիքի, նավային վառելիքի և գազային յուղերի անմիջական արտադրողների համար սահմանափակումը սահմանվել էր մինչև 2026 թ. սեպտեմբերի 30-ը:
