Կարապետ Պողոսյանը ֆեյսբուքյան իր էջում գրում է.
Նիկոլը գնացող է, երկիրն է պետք պահել…
Մոտ մեկ ամիս առաջ Երևանում տաքսի նստեցի, վարորդը ճանաչեց, շատ արագ մտրեմացանք, սկսեցինք զրուցել, դարդ ու ցավից խոսել։
Պարզվեց սպա է եղել, 44-օրյա պատերազմի մասնակից, լուրջ կռիվ տված, խաբված, հիասթափված, բանակից դուրս եկած…
Լիքը խոսեցինք, հուզվեցինք, ոգևորվեցինք, կրկին հուզվեցինք…
Վերջում ինձ խոստացավ, որ երբ սրանց լարենք կրկին ծառայության է մտնելու, հայրենիքն է ազատագրելու…
Երեկ, զանգահարեց, թե բա <<աչքդ լույս, նիկոլը գնացող է, հայրենիքը պահել է պետք, կրկին ազատագրել, նորից անցնում եմ ծառայության, Հանուն Արցախի, Հանուն Հայաստանի>>
Չէի կարող չպատմել…
Տղերք, բանակից դուրս չգաք, տղերք, եթե դուրս էլ եք եկել, կրկին հետ դարձեք, դավաճանությունը պատժվելու է, սրանք վերանալու, հայրենիքը ազատագրել ու պահել է պետք:
