Թեհրանը դադարեցրել է հակամարտության դադարեցման մասին Վաշինգտոնի հետ հուշագրով ստանձնած իր պարտավորությունների կատարումը, հաստատել է Իրանի փոխարտգործնախարար Քազեմ Ղարիբ Աբադին, հաղորդում է ՌԻԱ Նովոստի-ն։
Իրանի խորհրդարանի խոսնակ, ԱՄՆ-ի հետ երկխոսությունում իրանական բանակցային խմբի ղեկավար Մոհամմադ-Բաղեր Ղալիբաֆը հուլիսի 15-ին հայտարարել էր, որ Թեհրանը իմաստ չի տեսնում հավատարիմ մնալ ԱՄՆ-ի հետ հուշագրին, եթե այն չի կատարվում։
«Մենք նույնպես դադարեցրել ենք մեր սեփական պարտավորությունների կատարումը և այս պահին դրանք չենք կատարում՝ զբաղված լինելով երկրի պաշտպանության հարցերով»,- ասել է Ղարիբ Աբադին։
Թեհրանը և Վաշինգտոնը հունիսի 18-ի գիշերը ստորագրել են հուշագիր, որը ենթադրում է փետրվարի 28-ին սկսված հակամարտության ավարտ։ Սակայն ամերիկյան զինվորականները հուլիսի 8-ից ի վեր մի քանի սերիա հարձակումներ են իրականացրել Իրանի վրա։ ԱՄՆ ԶՈւ Կենտրոնական հրամանատարությունը պնդում էր, որ դա արվել է իբր ի պատասխան Իրանի գործողությունների՝ ընդդեմ առևտրային նավերի, որոնք անցնում էին Հորմուզի նեղուցով։
Իրանցի զինվորականները պատասխանել են Մերձավոր Արևելքի մի շարք երկրներում ԱՄՆ բազաներին հասցված հարվածներով։ Թեհրանը նաև մեղադրել է Վաշինգտոնին ռազմական գործողությունների դադարեցման մասին հուշագիրը խախտելու մեջ։ ԱՄՆ նախագահ Դոնալդ Թրամփը հուլիսի 9-ին հայտարարել էր, որ հրադադարն այլևս չի գործում։
