Մեր խաղաղության երաշխավորն Ադրբեջանը չէ, մեր խաղաղության երաշխավորը տարածաշրջանային հավասարակշռությունն է, աշխարհի օրենքն է դա, լրագրողների հետ զրույցում ասաց «Ուժեղ Հայաստան» խմբակցության ղեկավար Նարեկ Կարապետյանը:
Լրագրողը Նարեկ Կարապետյանից հետաքրքրվեց՝ խմբակցությունը խոսում էր «հակասաֆարովյան օրենք» ընդունելու նախագծի մասին, ի՞նչ փուլում է այն, որին նա պատասխանեց.
«Նախագիծը կա, հիմա դեղերի օրենքն ենք առաջարկել, հետո գալու է, օրենքների շարքում լինելու է նաև այդ օրենքը։
TRIPP-ի հետ կապված ամենակարևոր հարցը, որ մեր ժողովուրդը պետք է ֆիքսի, այն է՝ առանց «Խաղաղության պայմանագիր» ստորագրելու Փաշինյանը Սյունիքում ճանապարհ տվեց»,-նշեց նա։
