Skip to main content

Նարեկ Կարապետյանը կոչ է անում մի կողմ թողնել տարաձայնությունները և միավորվել Սահմանադրության հարցի շուրջ | Ծանրամարտի ԱԱ. Էմմա Պողոսյանի և Լիանա Գյուրջյանի արդյունքները | Ով էլ ապագայում ձեռք բերի ՀԷՑ-ը, ով էլ լինի իշխանության, միևնույնն է, ՀէՑ-ը վերադարձվելու է իր օրինական սեփականատիրոջը․ Դավիթ Ղազինյան | Օձուն գյուղի խաչմերուկում բшխվել են «Opel Vectra»-ն և «ՎԱԶ 2107»-ը․ 2 վիրավnրներից մեկը հղի կին է, մյուսը՝ անչափահաս | Լոռու մարզում՝ Վարդաբլուր գյուղում, հայտնաբերվել է 39-ամյա տղամարդու մարմին՝ կրծքավանդակի աջ և ձախ կեսի ծակшծ-կտրшծ վնաuվածքներով | Շատ տարօրինակ պատմություն է այսօր տեղի ունեցել․ Գևորգ Էմին-Տերյան | Մի՛ փորձեք ձեր դատարկ խոսքերով ապացուցել այն, ինչ ձեր գործերով չեք կարողանում հաստատել․ Սերոբ Գասպարյան | Զանգվածային լրատվամիջոցների և նրանց ներկայացուցիչների դեմ ցանկացած բռնություն անընդունելի է և դատապարտելի․ Լիլիթ Գալստյան | Երևան-Գյումրի ավտոճանապարհին 35-ամյա վարորդը «Tesla» մակնիշի ավտոմեքենայով բшխվել է երկաթե արգելապատնեշներին և գլխիվայր հայտնվել ձորակում․ կա վիրшվոր | TRIPP-ն անձամբ Թրամփի բիզնես պրոյեկտը չէ․ այն Հայաստանի և ԱՄՆ-ի կողմից համաձայնեցված և հիմնված կառույց է․ Ալեն Սիմոնյան | Սպասվում են տեղումներ․ լեռնային և նախալեռնային գոտիներում տեղումները կդիտվեն ձյան և թաց ձյան տեսքով․ օդի ջերմաստիճանը կնվազի՝ 3-5 աստիճանով | Պաշտպանության նախարարի տեղակալը ՊՆ մի շարք զորամասերում ծանոթացել է ծառայության կազմակերպման ընթացքին | Իմ խնդիրն է՝ Հայաստանն իր միջազգայնորեն ճանաչված տարածքներով և բաց սահմաններով հանձնել երիտասարդությանը. Նիկոլ Փաշինյան | ՏԵՍԱՆՅՈՒԹ. Լրագրողը կրակի մեջ, հրթիռակոծության տակ ի՞նչ պետք է անի | Արմավիրի քրեական ոստիկանները կանխել են նախապատրաստվող uպանությունը․ երեք տղամարդ ձերբակալվել է

Լրահոս

Կալանավորման երկրորդ ժամկետից հետո տեղի կունենա Գագիկ Խաչատրյանի գործով դատական նիստը

Հոկտեմբերի 30-ին՝ ժամը 14։00-ին, տեղի կունենա ՀՀ ֆինանսների նախկին նախարար, ՊԵԿ նախկին նախագահ, 71-ամյա Գագիկ Խաչատրյանի գործով դատական նիստը։ Նիստը նախագահում է Հակակոռուպցիոն դատարանի դատավոր Վարդգես Ստեփանյանը։

2026 թվականի սեպտեմբերի 2-ին Գագիկ Խաչատրյանն ապօրինի կալանավորվել է և արդեն երկու ամիս է՝ գտնվում է կալանքի տակ։ Նա ունի բազմաթիվ առողջական խնդիրներ, որոնք անհամատեղելի են անազատության պայմաններում պահելու հետ։ Չնայած փաստաբանական խմբի կողմից Գագիկ Խաչատրյանի առողջական վիճակի վերաբերյալ բարձրաձայնումներին և ձեռնարկվող քայլերին՝ հոկտեմբերի 29-ին նրա նկատմամբ ևս երկու ամիս ժամկետով կալանքը երկարաձգելու որոշում է կայացվել։

Նախորդ դատական նիստին Գագիկ Խաչատրյանը գրությամբ հայտնել է դատարանին, որ ցանկանում է անձամբ մասնակցել դատական նիստերին։ Միևնույն ժամանակ, դատարանը նշել է, որ մեղադրյալի մասնակցության և այդ իրավունքից հրաժարվելու հարցը բարձրացնում է, քանի որ պաշտպանական կողմի ներկայացրած փաստաթղթերի համաձայն՝ դատարան տեղափոխվելը և նիստերին ներկա գտնվելը ցավեր են պատճառում Գագիկ Խաչատրյանին։ Դատարանը նշել է, որ բժշկական օգնության և կալանքի պայմանների հարցերն իր իրավասության շրջանակում չեն, քանի որ նա կալանքի տակ է գտնվում այլ քրեական գործով, և առաջարկել է պաշտպանական կողմին քննարկել այդ հարցը։

Պաշտպանները ստիպված են եղել հրաժարվել Գագիկ Խաչատրյանի՝ նիստերին մասնակցության իրավունքից, կարևորելով, որ Գագիկ Խաչատրյանի ներկայությունը դատական նիստերին էական նշանակություն ունի նրա պաշտպանության համար։ Մեղադրանքները վերաբերում են նրա պաշտոնավարման ընթացքում ենթադրաբար կատարված արարքներին, և նա հաճախ պաշտպանների ուշադրությունը հրավիրում է կարևոր հարցերի ու հանգամանքների վրա։ Հետևաբար, նրա մասնակցությունն անհրաժեշտ է լիարժեք և արդյունավետ պաշտպանություն իրականացնելու համար։

Գագիկ Խաչատրյանի առողջական վիճակի և բուժօգնության տրամադրման համար պաշտպանական կողմը փորձել է հասնել նրան, որ ՔԿՀ-ում ապահովվի անհրաժեշտ բուժումը կամ թույլատրվի նրան տեղափոխել քաղաքացիական հիվանդանոց։ Սակայն մինչ այժմ որևէ էական բժշկական միջամտություն չի իրականացվել, իսկ փաստաբանների դիմումներին ՀՀ ԱՆ «Քրեակատարողական բժշկության կենտրոն» ՊՈԱԿ-ը տվել է շրջանցիկ պատասխաններ։ Բյուրոկրատական խոչընդոտների պատճառով սկզբում չի թույլատրվել նաև Գերմանիայից ժամանած՝ Գագիկ Խաչատրյանին նախկինում վիրահատած բժշկի այցը։ Բազմաթիվ դժվարություններից հետո կազմակերպված այցի ընթացքում բժիշկն արձանագրել է նրա առողջական վիճակի կտրուկ վատացումը և ցուցում տվել անհապաղ բուժումն իրականացնել քաղաքացիական հիվանդանոցում։

Facebook
Twitter

Կարդացեք նաև