Գոլդ համարանիշների ձեռքբերման վերաբերյալ քննարկումները ակտիվորեն շարունակվում են։ Սոցցանցում էր հայտնվել նաև լուսանկար, որում երևում էր, որ 00 DD 000 գոլդ համարանիշները Rolls-royce Spectre մակնիշի մեքենայի վրա են։
NewDay.am-ին հայտնի դարձավ, որ այդ համարանիշները աճուրդում ամենաթանկ վաճառվածն է եղել։ Համարանիշը վաճառվել է 29 միլիոն դրամով, ավելի թանկ, քան 00 OO 000-ն, այն 23 միլիոն էր վաճառվել։
ՀՀ ոստիկանության հասարակայնության հետ կապի և լրատվության վարչությունից NewDay.am-ի հետ զրույցում հաստատեցին տեղեկությունը համարանիշների վաճառքի վերաբեյալ, այլ մանրամասներ չներկայացրեցին, գնորդի անունը ևս հրաժարվեցին ներկայացնել։
Հիշեցնենք, որ armlur.am-ի տեղեկություններով՝ համարանիշների սեփականատերը Դավիթ Դավթյանն է, նա «ԱՐՄ ԿՈՆՍՏՐԱԿՏ» կառուցապատող ընկերության սեփականատերն է։
Նշենք, որ գոլդ համարանիշների վաճառքը իշխանությունը դիտարկում է, որ որպես բյուջե լցնելու ձև և նույնիսկ դրանք գնելու համար տարբեր ճնշումներ է գործադրում, այս մասին անգամ ՔՊ-ականներ են խոսում, հետո էլ ծիծաղում, թե փողը քերեցին, գնորդներն էլ թիրախավորվեցին՝ որտեղից իրենց այդքան փող։ Փաստորեն «սրամիտ» Նիկոլ Փաշինյանը փորձել է մի գնդակով երկու նապաստակ խփել՝ ռեկետ անելով ու հետո էլ փող տվողներին քննադատության թիրախ դարձնելով։
Հիշեցնենք, որ աճուրդով 7 համարանիշ է վաճառվել, ընդհանոր կազմել է 156 մլն դրամ։
Անի Գևորգյան
