Լրագրողների հետ զրույցում ՀՀ արտգործնախարարի տեղակալ Վահան Կոստանյանը հայտնել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն է ձեռք բերվել.
Ըստ Կոստանյանի՝ երկու երկրների կառավարությունները պայմանավորվածություն են ձեռք բերել, որպեսզի վերսկսեն սահմանազատման աշխատանքները, որոնք բավականին երկար ժամանակ դադար էին ստացել։ Երկու երկրներն էլ թարմացրել են սահմանազատման իրենց հանձնաժողովների կազմերը, բայց դեռևս նիստ տեղի չի ունեցել։
Երկու կողմն էլ որոշակի տնային աշխատանքներ են կատարում։
Դիտարկմանը, թե տեղեկություններ են շրջանառվում, որ Լոռու մարզից տարածք է զիջվելու Վրաստանին՝ փոխնախարարը պատասխանեց՝ սահմանազատման գործընթաց է լինելու։
Ըստ նրա՝ տրամաբանությունը սա է` վերականգնել բոլոր հարևան երկրների հետ 1991 թվականի Ալմա-Աթայի հռչակագրի ստորագրման ժամանակ առկա սահմանագծի վերկանգնումը։
