Յոլյանի անվան արյունաբանական կենտրոնի տնօրեն Սամվել Դանիելյանն աշխատանքից ազատվել է քաղաքական պատճառներով։
Բժիշկ Գևորգ Թամամյանը, ով Դանիելյանի հետ ազատման դիմում է գրել, ուղիղ եթերում հայտարարեց, որ Դանիելյանն օրեր առաջ Բագրատ Սրբազանի քայլերթի ժամանակ գնացել ու ողջագուրվել է Սրբազանի հետ։
«Բնական է, դա ցնցումներ է առաջացրել մեր բարձրագույն՝ այսպես կոչված ղեկավարության մոտ ու, ենթադրում եմ, դրանից հետո Առողջապահության նախարարի առջև նման պահանջ է դրվել, որ պետք է շատ շտապ հարցը լուծել ու պարոն Դանիելյանին ազատել»,- ասաց Թամամյանը։
