Բագրատ Սրբազանը, անդրադառնալով Ալեն Սիմոնյանի այն հայտարարությանը, թե հոգևորականը կոչ է արել գրոհել ոստիկանական պատնեշը, ասաց եթե արել է, լավ է արել, դա խուլիգանական պատնեշ է, ոչ թե ոստիկանական։
«Այդ մարդու կյանքը առնչված է «ակվարիումի» հետ ու մնացած բաների հետ, որ դեռ խնայում եմ ասելու։ Ընդհանրապես թող աչքի չընկնի, ոտքի տակ էլ չհայտնվի, ինքն ընդհանրապես գոյություն չունի։ Լսե՞լ եք, որ ասած լինեմ գրոհեք ոստիկանական պատը։ Այո՛, ես գնացել եմ կարմիր բերետավորների հետևից, որովհետև մարդկանց մորթում էին բառի բուն իմաստով»,- ասաց նա։
Սրբազանը հավելեց, որ ոստիկանություն որպես այդպիսին գոյություն չունի։
