Հայ-ամերիկյան համատեղ զորավարժությունը ցույց է տալիս բարձր ինտենսիվության միջավայրում համագործակցելու և գործելու կարողությունը. ԱՄՆ ԶՈՒ եվրոպական հրամանատարություն

ԱՄՆ ԶՈՒ եվրոպական հրամանատարությունը լուսանկարներ է հրապարակել հայ-ամերիկյան «Eagle Partner 2024» զորավարժություններից:

«Այս զորավարժությունը ցույց է տալիս բարձր ինտենսիվության միջավայրում համագործակցելու և գործելու կարողությունը՝ միաժամանակ բարձրացնելով պատրաստականությունը, արձագանքողությունը և փոխգործունակությունը»,-ասված է X-ի միկրոբլոգի հրապարակման մեջ:

Հիշեցնենք` հուլիսի 15-ին ՀՀ ՊՆ Վազգեն Սարգսյանի անվան ռազմական ակադեմիայում ազդարարվել է «Արծիվ գործընկեր-2024» հայ-ամերիկյան համատեղ զորավարժության մեկնարկը։

Զորավարժությանը ներգրավված են ՀՀ ԶՈՒ խաղաղապահ բրիգադի, Եվրոպայում և Աֆրիկայում ԱՄՆ ցամաքային զորքերի և Կանզասի ազգային գվարդիայի զինծառայողները: