Ես վստահ եմ, որ Զելենսկին չգիտի, որ մոլորակի վրա նման մարդ գոյություն ունի։ Անդրանիկ Թևանյանի մասին նույնիսկ նրա բակում չգիտեն։ Ասել է Ալեն Սիմոնյանը՝ պատասխանելով լրագրողների հարցին, թե կարծիքներ կան, որ Հայաստանի իշխանությունները, Անդրանիկ Թևանյանի նկատմամբ քրեական հետապնդման միջոցով ուզում են Ուկրաինայի նախագահ Զելենսկիին ժեստ անել, թե ինչպես են վարվում Ռուսաստանի վերահսկողության տակ գտնվող Դոնբաս այցելած անձի հետ։
Սիմոնյանն անդրադարձել է Թևանյանի նկատմամբ հարուցված քրեական հետապնդմանը՝ պետական դավաճանության և լրտեսության մեղադրանքներով։
«Ես կասկածներ ունեմ, թե ոնց է եղել, չեմ ուզում կիսվել այդ կասկածերով, բայց ես կարծում եմ ակնհայտ է, որ Հայաստանի դեմ հանցագործություն արած մարդը պետք է մեծ ու շատ դաժան պատասխանատվություն կրի, որովհետև մեր երկրի դեմ շպիոնաժ անելն ամենավատ բաներից մեկն է, որ կարելի է անել»,- նշել է նա։
