Երբ Խաղաղության պայմանագիրը ստորագրվի, ստանա եզրակացությունը ՍԴ-ի կողմից, վավերացվի ԱԺ-ում, կստանա ավելի բարձր իրավական ուժ, քան որևէ ներքին օրենք. ՀՀ ԱԳՆ Գործող իշխանություններն իրենց ոճին համապատասխան մանիպուլացնում են ՀՀ քաղաքացիներին՝այսօր հայտարարում են, որ սահմանադրությունը չի փոխվելու, սակայն հաջորդ տարի կարող են անցկացնել սահմանադրության փոփոխության հանրաքվե։ Փաշինյանը հայտարարում էր, որ Արցախը՝Հայաստան է, սակայն Արցախը հանձնեց Բաքվին և այն ճանաչեց Ադրբեջանի մաս։ Հայաստանը ՔՊ-ի պատճառով հայտնվել է բարդ իրավիճակում՝եթե ՀՀ-ն չի փոխում սահմանադրությունը, ինչպես դա պահանջում են Փաշինյանի դաշնակիցները՝ադրբեջանցիները, ապա Բաքուն դա կարող է օգտագործել, որպես պատրվակ՝խաղաղության պայմանագիրը չստորագրելու և Սյունիքի վրա հարձակվելու համար։ Իսկ եթե ՀՀ-ն փոխում է սահմանադրությունը, դա նշանակում է, որ ՀՀ-ն վերջնականապես կապիտուլացվում է և ընդունում է Ալիևի բոլոր պայմանները։ Արցախի հարցը վերջնականապես փակվում է, ՀՀ են վերադառնում ՔՊ-ի սիրելի ադրբեջանցիները, Սյունիքով միջանցք է տրամադրվում թուրք-ադրբեջանական տանդեմին, իսկ Արցախի հերոսները ձերբակալվելու են և հանձնվեն Բաքվին։ Որևէ կասկած չկա, որ հանուն իշխանության պահպանման Փաշինյանը բավարարելու է Արևմուտքի, Թուրքիայի, Ադրբեջանի և ցանկացած երկրի շահ՝նա և նրա թիմը դրանով են զբաղված 2018թ․-ից ի վեր։ ՔՊ-ն Հայաստանից կերտում է «Արևմտյան Ադրբեջան»։ Պետականամետ ուժերի և ՀՀ քաղաքացիների համատեղ, համազգային պայքարի արդյունքում այդ աղետը պետք է թույլ չտալ։
Անդրանիկ Պետրոսյան
