Իրանը համաձայնագիր է մշակում, որը կարող է կնքվել մերձավորարևելյան մի շարք երկրների հետ՝ ԱՄՆ-ի կամ Իսրայելի հարձակման դեպքում փոխադարձ օգնություն ցուցաբերելու համար, փոխանցում է ՏԱՍՍ-ը։
Համաձայնագիրը կկոչվի «Դիմադրության պայմանագիր». ոչ միայն պետությունները, այլեւ «ազատագրական շարժումները» կարող են դառնալ դրա մասնակիցները։ Այն ներառում է ինչպես ռազմական, այնպես էլ տնտեսական օգնություն:
Գործողությունները համակարգելու և վարժանքներ անցկացնելու համար նախատեսվում է ստեղծել օպերատիվ շտաբ։ Առաջարկվում է պարտականությունների բաշխման և ծրագրի իրականացման պատասխանատվությունը վերապահել Իրանի ազգային անվտանգության բարձրագույն խորհրդին։
