Ինչպես արդեն հայտնել էինք, Սյուզաննա Մելքոնյանը հաղթել է Voice of Turan երգի միջազգային մրցույթում: Թեման, ըստ երգչուհու մի քիչ աղմուկ է բարձրացրել:
«Շնորհակալություն Ղազախստանի Հանրապետությանը բարձր ընդունելության ու գնահատանքի համար: Սա ի՛մ մրցման դաշտն էր, որտեղ կարողացա հաղթել ու ծածանել եռագույնը:
Հատուկ «խելացիների» համար.
Սա երգի միջազգային մրցույթ էր, որտեղ 19 երկիր էր մասնակցում:
Բոլորը երգել են ղազախերեն ստեղծագործություններ, ես՝ Էստրադային ժանրի գեղեցիկ մի երգ, որը կոչվում էր «Հայրենիք»:
Ի դեպ երգի հեղինակը ժյուրիի նախագահն էր՝ ով էլ հանձնեց ինձ մրցանակը:
Սա բացառապես արվեստի ու երգի մրցույթ է եղել ու որևէ ենթատեքստ չկա ու չի կարող լինել, քանի որ պրոֆեսիոնալ մասնագետներ էին աշխատում:
Շնորհակալ եմ Ձեզ ադեկվադ ու ճիշտ գնահատականի համար:
Ինչպես միշտ՝ այս անգամ ևս երգարվեստի շրջանակներում ներկայացրել եմ Հայաստանը պատվով ու հաղթանակած վերադառնում եմ»,- ինստագրամյան իր էջում գրել է երգչուհի Սյուզաննա Մելքոնյանը:
