Չելյաբինսկում տաքսու վարորդը կոնֆլիկտի ժամանակ խեղդամահ է արել 24-ամյա ուղևորուհուն, դին թաղել անտառապատ տարածքում։ Հարուցվել է քրեական գործ, տղամարդը կալանավորվել է, երկուշաբթի հայտնել է Ռուսաստանի Դաշնության Քննչական կոմիտեն։
Քննության տվյալներով՝ մայիսի 22-ին ոստիկանություն է դիմել մի կին՝ իր 24-ամյա դստեր անհետացման մասին հաղորդումով. աղջիկը դադարել է կապի դուրս գալ և աշխատանքի չի ներկայացել, գրում է ria.ru-ն։
Պարզվել է, որ մայիսի 22-ի գիշերը տաքսի ծառայությունում աշխատող մեղադրյալը պատվեր է կատարել. ուղևորության ընթացքում նրա և աղջկա միջև կոնֆլիկտ է տեղի ունեցել, ինչի հետևանքով Չելյաբինսկի Կուրչատովսկի թաղամասի հասարակական տրանսպորտի կանգառի մոտ տղամարդը խեղդամահ է արել ուղևորուհուն։ Դրանից հետո նա դիակը տարել է անտառապատ տարածք ու թաղել։
36-ամյա կասկածյալը ձերբակալվել է. նա փորձել է մոլորության մեջ գցել քննությանը և սուտ ցուցմունքներ տվել։
