7 տարի առաջ, երբ Փաշինյանը գալիս էր իշխանության, թեզերը հետևյալն էին՝ ՀՀ քաղաքացին ունի բավարար կրթություն, ունի բավարար գիտելիքներ և հմտություն, միայն թե նրան թալանում են, դրա համար նա չի կարողանում զարգանալ, աճել, հարստանալ: Այս մասին հայտարարել է «Հայաստանը ես եմ» նախաձեռնության ղեկավար Նաիրի Սարգսյանը:
«7 տարի հետո, փաստորեն, նրանք հասկացան, որ միակ խնդիրը ոչ թե նրա մեջ է, որ Հայաստանի կառավարության ղեկավարը Նիկոլ Փաշինյանն է, այլ ասաց, որ ՀՀ քաղաքացին տգետ է, անաշխատունակ և ոչ աշխատասեր է, դրա համար չի կարողանում հարստանալ և զարգանալ, այդ թվում ասաց՝ աղքատությունը ձեր գլխում է: Հայտարարեց, որ անգլերենի չիմացությունը բացասաբար է անդրադառնում մոշի աճեցման վրա: Այս բոլոր ձևակերպումները, ինչի մասին խոսում եմ, դրանք կրթության մասին չեն, դրանք գալիս են հիմնավորելու այն թեզը որ տգիտության մասին է»,- ասաց նա:
