Կարապետ Պողոսյանը ֆեյսբուքյան իր էջում գրել է․
Առավոտ ծեգին Հայաստանի իշխանությունը զավթած թրքաբարո կառավարիչը խոսում է կուսակրոնության ուխտը խախտելու և հայ ժողովրդի հոգու տունը պղծելու մասին։ Փաստացի պահանջում Վեհափառի հրաժարականը, իսկ չի ասում ինչ պետք է անի այն անձը, ով խաբել է մի ամբողջ ժողովրդի, վաճառել մեր նվիրական երազանքները։
Մարդ, ում ամբողջ կյանքը կառուցված է եղել ստի ու կեղծիքի վրա, փորձում է ճշմարտությունից խոսել։
Մարդ, ով ամբողջությամբ տապալել է իր իսկ հաստատած կառավարության ծրագիրը, խոսում է ուխտ խախտելու մասին։
Նիկո’լ, դու կործանել ես Արցախի Հանրապետությունը, դու ավիրել ես Հայաստանի պետականությունը, դու երկիրը կանգնեցրել ես քաղաքացիական բախման առաջ, դու ամբողջովին տապալել ես քո իսկ ընդունած կառավարության ծրագիրը, դու ինքդ պիտի հեռանաս։
Ամենայն հայոց կաթողիկոսը իր արարքների համար հաշվետու է միմիայն Աստծո առաջ, իսկ դու հայ ժողովրդի։ Աստված ինչպես կդատի Վեհափառին, Աստված գիտի…
Իսկ հայ ժողովուրդը միայն մեկ հրաժարականի է տենչում, մեկ հոգու հեռանալն է ուզում և այդ մեկ հոգին դու ես։
