Հայաստանի և ՌԴ-ի միջև առևտրի, համագործակցության շրջանակում արձանագրվող թվերը վկայում են, որ մենք ինստիտուցիոնալ փոխկապակցվածություն ունենք այս ոլորտում, իսկ ռուսական կապիտալի ներկայությունը Հայաստանում ուրախացնում է և խթանում հարաբերությունների զարգացումը: Այս մասին Սանկտ Պետերբուրգի միջազգային տնտեսական համաժողովում ասել է ՀՀ փոխվարչապետ Մհեր Գրիգորյանը:
«Իհարկե, կան նաև շատ խնդիրներ, շուկան իր ծավալներով մեծ է և մեզանից հավելյալ ջանքեր են պահանջվում սինխրոնիզացվելու համար: Վստահ եմ, որ հայաստանցի արտադրողները կարող են ապահովել մրցունակ և, այդ թվում, ռուսաստանցի սպառողների կողմից պահանջարկ վայելող արտադրանք: Բայց պիտի ավելի շատ մտածենք լոգիստիկայի և կոնսոլիդացման մասին», — ասել է Գրիգորյանը:
Խոսելով ներուժի մասին՝ փոխվարչապետն ասել է, որ ներկրների միջև առևտրային ներուժն և ծավալները մեծացնելու ցանկությունն անսահման են:
Նրա խոսքով՝ որակյալ արտադրանքը ստեղծվում է փոքր և միջին ընկերությունների կողմից, որոնք աջակցության կարիք ունեն իրենց արտադրանքը համաշխարհային շուկաներ արտահանելու համար։
