Նոյեմբերի 16-ին Վաղարշապատ խոշորացված համայնքում տեղի են ունենալու ՏԻՄ ընտրություններ։ «Հայրենիք» կուսակցությունը համայնքապետի թեկնածու է առաջադրել բանաստեղծ-հրապարակախոս Խաչիկ Մանուկյանին։ Այս մասին ֆեյսբուքյան իր էջում գրել է «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը։
«Վստահ եմ՝ պարոն Մանուկյանը հենց այն անձն է, ով կարող է ստանձնել մեր հոգևոր մայրաքաղաքի ղեկավարի պաշտոնը և իր աշխատասիրությամբ ու նվիրումով նոր շունչ տա Էջմիածնի և հարակից գյուղերի զարգացմանը։
Միասին մենք հաղթանակ կկերտենք նախ Վաղարշապատում, ապա նաև ամբողջ Հայաստանում։
Ի գործ, սիրելի թիմակիցներ։
Աստծով»,-գրել է նա։
