Եթե չլիներ «Կրթվելը նորաձև է» շարժումը, ես երբեք ժամանակ չէի տրամադրի ինձ, չէի լրացնի բացը։ Գրել է վարչապետի տիկին Աննա Հակոբյանը։
«Վաղ ամուսնություն, երեխաներ, ամուսին, ամուսնու շատ կարեւոր ճանապարհ՝ լի հազարումի բարդություններով. այս ամենը թույլ չեն տվել ինձ զբաղվել ինձ համար այնքան հաճելի զբաղմունքով՝ կրթվելով։ Բայց ահա ունենք «Կրթվելը նորաձեւ է» շարժումը, որը բոլորիս տալիս է ծանրակշիռ հիմնավորում կրթվելը մեր բոլոր պարտականությունների մեջ ամենակարեւոր պարտականությունը համարելու համար։
Այս գրառմամբ ուզում եմ շնորհակալություն հայտնել «Կրթվելը նորաձեւ է» շարժման 11 հազար 258 անդամներին։ Եթե դուք չհավատայիք գաղափարին, այն չէր վերածվի հզոր շարժման եւ չէր տարածվի մեր երկրով մեկ։
Բոլոր բոլորին խնդրում եմ ակտիվորեն աջակցել շարժմանը, անդամագրվել դրան, դառնալ կրթաշղթայի կենդանի օղակներից մեկը, եւ ագրեսիվ պայքար մղել մեզ տիրող տգիտության դեմ։ Դրա համար մեկ բան է անհրաժեշտ՝ ագրեսիվ քարոզել կրթվելը, եւ որ ամենակարեւորն է՝ դա անել ՍԵՓԱԿԱՆ ՕՐԻՆԱԿՈՎ։
Կրթվելը նորաձեւ է
Մեր դարավոր խնդիրները մեր երեխաների ուսերին չթողնելու համար
Մտածելակերպի դրական փոփոխության համար
Կյանքի որակի բարելավման համար
Առողջ հասարակություն ձեւավորելու համար
Ամուր պետություն ունենալու, նոր հայրենիք վերածնելու համար
Ինքնավստահություն ձեռքբերելու համար
Կրթվելը վարակիչ դարձնելու համար
Հաջողությունների հասնելու համար
Նորարար տեխնոլոգիաներին տիրապետելու համար
Մեր հոգեկերտվածքը հղկելու, մարդասիրությունը առաջ մղելու համար
Նախաձեռնողական լինելու համար
Հմտությունների կատարելագործման համար
Սեփական դիրքը հասարակությունում բարելավելու համար
Ինքնաճանաչման համար
Ընտանիքի համար
Գիտելիքը հոգու եւ մտքի հետ ուղիղ կապելու համար
Երաշխավորված կյանք ունենալու համար
Կիրթ մարդը հոգս չի դառնում ուրիշների համար։
2025 թվականը՝ մտքի և հոգու հեղափոխության տարի
2025 թվականը՝ նորովի կրթվելու տարի
2025 թվականը՝ մեր դարավոր վախերը և բացասական նորաձևությունները հաղթահարել սովորելու տարի»,- գրել է Հակոբյանը:
