Միջազգային իրավական հարցերով ՀՀ ներկայացուցիչ Կարեն Անդրեասյանը վստահեցնում է՝ ո՛չ Եղիշե Կիրակոսյանի, ո՛չ իր օրոք Ադրբեջանի դեմ ներկայացված որևէ հայց հետ չի կանչվել։ Այս մասին փոխանցում է Փաստինֆոն:
«Նման քննարկում չկա, եթե լինի, ապա ձեզ հաստատ տեղյակ կպահեմ»,- ասաց Կարեն Անդրեասյանը՝ նշելով, թե բոլոր դատական ատյաններում պաշտպանում է ՀՀ շահերը։
Դիտարկմանը, որ նախաստորագրված պայմանագրում կա կետ, որ հայցերը պետք է հետ քաշվեն՝ Կարեն Անդրեասյանը պատասխանեց՝ նշելով, որ ուսումնասիրել է ողջ փաթեթը, գրասենյակը չի ստացել որևէ առաջարկ՝ հայցերը հետ քաշելու։
«Եթե կառավարությունը, ԱԺ-ն, ՍԴ-ն կորոշի վավերացնել որևէ համաձայնագիր, որով կորոշի որևէ իրավական գործընթաց դադարեցնել, ապա այդ մասին դուք ինձնից ավելի շուտ կծանուցվեք»,- նշեց Անդրեասյանը։
