Վրաստանի իշխանությունները վրաց-ամերիկյան հարաբերություններում քայլ են արել և այժմ սպասում են ԱՄՆ-ի պատասխանին: Այս մասին Sputnik Грузия-ի փոխանցմամբ, հայտարարել է խորհրդարանի խոսնակը։
«Մենք ասացինք այն, ինչ ուզում էինք ասել. մենք ձեռք մեկնեցինք և սպասում ենք պատասխանի։ Որքան շուտ այն գա, այնքան լավ վրաց-ամերիկյան հարաբերությունների համար։
Մենք շարունակում ենք մեր աշխատանքը, և բոլոր նրանք, ովքեր ցանկանում են մեզ հետ բարեկամանալ, լավ գիտեն, թե ինչպիսի բարեկամության ենք մենք ընդունակ, և Միացյալ Նահանգները դա ավելի լավ գիտեն, քան որևէ մեկը», — ընդգծել է Շալվա Պապուաշվիլին։
Վրաստանի կառավարության պաշտոնյաները բազմիցս հայտարարել են հարաբերությունները նորովի սկսելու իրենց պատրաստակամության մասին, բայց դեռևս պատասխան չեն ստացել։
